Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

ولسمشر غني: افغانستان بايد د سيمې د مخابراتو او ټکنالوجۍ د وصل نقطه شي

ولسمشر غني: افغانستان بايد د سيمې د مخابراتو او ټکنالوجۍ د وصل نقطه شي

By
On
May 21, 2015 - 16:09

کابل (پژواک، ٣١ غويى ٩٤): ولسمشر اشرف غني پر وارداتي مخابراتو او ټکنالوجۍ تکیه د سیاسي او اقتصادي استقلال پر زیان وبلله او ټينګار يې وکړ چې افغانستان بايد د سيمې د مخابراتو او ټکنالوجۍ د وصل اصلي نقطه شي.

نوموړي دغه څرګندونې د مخابراتو او معلوماتي ټکنالوجۍ له وزیر عبدالرزاق وحیدي او د هغه وزارت له مشرتابه پلاوي سره په کتنه کې د همدغه وزارت د لومړنيو سلو ورځو پلان د ارزولو پر مهال په ارګ کې کړې دي.

سرچينه کاږي، په دې لیدنه کې د مخابراتو او معلوماتي ټکنالوجۍ وزیر او ملګري پلاوي یې د مخابراتي او ټکنالوجیکي خدماتو د ښه والي، ناثبت شوو سیمکارتونو د ثبت، د مخابراتي قوانینو د اصلاح، د افغان ټيلیکام او خصوصي سکتور د ظرفیت او کیفیت لوړولوپه اړه، خپل سل ورځنی پلان وړاندې کړ.

سرچينه زياتوي، ولسمشر غني د مخابراتو او معلوماتي ټکنالوجۍ وزارت د لومړنیو سلو ورځو پلان د ښه تطبیق لپاره، په یاد وزارت کې د ځوان او مسلکي ظرفیت په رامنځته کولو ټینګار وکړ.

ده ويلي، د مخابراتو او معلوماتي ټکنالوجۍ وزارت دې له ټيلېفونونو څخه د ښې ګټې اخیستنې، داسې طرحه برابره کړي چې له مخې یې له ټيلېفون څخه د هویت په تثبیت، ټولټاکنو، د لېسو او پوهنتونونو په وصلولو، باکیفیته لرې زده کړواو نورو برخو کې ګټور خدمات وړاندې کړای شي.

نوموړي پر وارداتي مخابراتو او ټکنالوجۍ تکیه د سیاسي او اقتصادي استقلال په زیان وګاڼه او ويې ویل، د مخابراتو او معلوماتي ټکنالوجۍ وزارت باید کوښښ وکړي چې په اوږدمهال کې افغانستان د سیمې د مخابراتو او ټکنالوجۍ د وصل اصلي نقطه شي.

هغه د الکترونیکي حکومتولۍ د پیاوړتیا په موخه، د مخابراتو او معلوماتي ټکنالوجۍ وزارت ته د یوې سراسري طرحې د برابرولو سپارښتنه وکړه.

نوموړي د یاد وزارت د قراردادونو پر روڼوالي ټینګار وکړ او ويې ویل چې په چارو کې د شفافیت د ښه باوري کولو لپاره باید ولس د حکومت د کارونو په اړه معلومات ولري.

 

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Advertisement

Advertisement

Twitter Update