Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

خوست کې یوه ځوان د ناروغانو لپاره ځانګړی برېښنايي کټ جوړ کړی

خوست کې یوه ځوان د ناروغانو لپاره ځانګړی برېښنايي کټ جوړ کړی

By
On
Feb 23, 2017 - 18:44

خوست (پژواک، ٥ کب ٩٥): په خوست کې يوه ځوان داسې برېښنايي کټ جوړ کری چې په يوه وخت کې د څو کارونو کولو وړتيا لري.

دغه ځوان اسلام نبي نومېږي او د پکتيا ولايت د ډنډ پټان ولسوالۍ اوسېدونکی دی. نوموړی دا مهال د خوست د ميخانيکي انسټيټيوټ د نجارۍ څانګې د دوولسم ټولګي زده کوونکی دی.

اسلام نبي پژواک خبري اژانس ته وويل، دغه برېښنايي چپرکټ هغو ناروغانو ته په کار راځي چې له خپله ځايه د پورته کېدو توان نه لري.

نوموړی زياتوي، په دغه چپرکټ کې د ناروغ د پورته کېدو، د لاسو مينځلو او د ډوډۍ کېښودلو ځايونه شته چې ټول د برق د يوې توکمې په کېکاږلو سره په اتومات ډول کار ترسره کوي.

دى وايي: ((دا چپرکټ دوه عمده دندې سرته رسوي، يوه دا چې د ناروغ لپاره په کارېږي په روغتون کې، دويم په امنيت کې هم ترې کار اخيستل کېږي؛ هغه دا که يو څوک په دغه چپرکټ کې ويده وي، نو د خطر په وخت کې يې له خوبه پاڅوي.))

د ده په خبره، دا فکر ورسره وروسته له هغه پيدا شو چې روغتون ته د خپلو ناروغانو د وړلو لپاره تللی و.

هغه زياتوي: ((يوه ورځ موږ روغتون ته تللي وو او چې هلته مې نور چپرکټونه وليدل، نو ما سره دا فکر پيدا شو چې زه بايد داسې يو اتومات چپرکټ جوړ کړم چې د ناروغانو اړتياوې رفع کړي.))

اسلام نبي وايي، ياد کټ يې په پنځو مياشتو کې جوړ کړی او نږې شپږ سوه امريکايي ډالره لګښت پرې شوی دی.

د ده په وينا، که چېرې دولت او ملي سوداګر ورسره په دې برخه کې مالي مرسته وکړي، غواړي نور داسې څه جوړ کړي چې خلکو ته ګڼې اسانتياوې رامنځته کولی شي.

دى وايي: ((که زمينه برابره شي درې نور نوښتونه مو هم پيل کړي، تقريباً پنځلس سلنه کارونه يې بشپړ شوي دي، خو د امکاناتو د نه شتون له امله پر ځای پاتې دي. که دا ستونزه نه وي، نو موږ په کال او حتی په مياشت کې نوي نوښتونه رامنځته کولی شو.))

له دې وړاندې د خوست د ميخانيکي انسټيټيوټ يوه بل زده کوونکي هم يوه امنيتي دروازه او زانګو چې په اتومات ډول يې کار ترسره کاوه، جوړ کړي چې د هېواد په کچه وستايل شو.

Tags: 

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update