Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

په کاپیسا کې د نوري فایبر شبکه ګټې اخیستنې ته وسپارل شوه

په کاپیسا کې د نوري فایبر شبکه ګټې اخیستنې ته وسپارل شوه

By
On
Mar 28, 2017 - 17:02

محمودراقي (پژواک، ٨ ورى ٩٦): په کاپيسا ولايت کې د نوري فايبر شبکې چارې بشپړې او نن ګټې اخيستنې ته وسپارل شوه.

د مخابراتو او معلوماتي تکنالوجۍ وزارت سرپرست انجنیر احمدشاه سعادت د مرغومي په ٨مه د دې پروژې د پرانيستې پر مهال وويل چې یاده پروژه د دیارلسو میاشتو په موده کې بشپړه شوې ده.

هغه زياته کړه چې پر دې پروژې یو اعشاریه اته میليونه ډالر لګښت راغلی چې د پروان له جبل السراج ولسوالۍ څخه پیل او د کاپیسا له مرکز سره یې مزي نښلول شوي دي.

د نوموړي په وینا، نوري فایبر سیستم د نورو شبکو په پرتله ارزانه او هم په معیار ډول پوره اسانتیاوې لري.

هغه وايي هڅه کوي دا پروژه د کاپیسا ولسوالیو ته يې هم وغځوي.

سرپرست وزير وويل، دوی غواړي چې د واخان کوتل له لارې له چین، تاجکستان، ازبکستان، ترکمنستان او ایران سره هم نوري فایبر ونښلوي او یادو هېوادونو ته معلومات یا ډېتا د افغانستان له لارې ولېږدل شي.

سعادت وايي، دوى پر يو پلان کار کوي، کومې پیسې چې د مخابراتو له لارې لس سلنه جمع کېږي، هغه به نېغ په نېغه د ماليې وزارت ته استول کېږي او د هر ډول درغلۍ مخه به په دې اړه ونیول شي.

نوموړي همد ا ډول په دې غونډه کې وویل، تر څو چې الکترونیکې تذکرو د وېش لړۍ پیل نه شي، تر هغو ممکنه نه ده چې په هېواد کې د غیر قانوني سیم کارتونو د پلور مخه ونیول شي.

په ولسي جرګه کې د کاپیسا د خلکو استازي انجنیر اقبال ساپي د یاد وزارت له چارواکو وغوښتل چې د انټرنېټي او مخابراتي خدمتونو بیه را ټيټه کړي.

نوموړی زیاتوي: ((په هېواد کې مخابراتي برخه کې ډېر پرمختګ شوی دی، خو افغانان په اقتصادي لحاظ له مالي ستونزو سره مخ دي، د نړۍ د نورو هېوادونو په پرتله افغانستان یوازېنی هېواد دی چې د مخابراتو بیه په کې لوړه ده.))

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update