Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

په کونړ او لغمان کې د بيارغونې یو شمېر پروژې پيل شوې

په کونړ او لغمان کې د بيارغونې یو شمېر پروژې پيل شوې

By
On
Aug 09, 2017 - 16:53

اسعد اباد (پژواک، ١٨ زمرى ٩٦): په کونړ او لغمان ولايتونو کې د څه باندې ١٣٠ ميليونه افغانيو په لګښت د بيارغونې د پروژو چارې پيل شوې.

د کونړ د کرنې او مالدارۍ رييس انعام الله ساپي د زمري په ١٨مه د دې پروژو د کار د پيل پر مهال خبري اژانس ته وويل چې دا ٢٣ پروژې د دغه ولايت په بېلابېلو ولسواليو کې پلي کېږي.

هغه زياته کړه، نن په سرکاڼو او مرورې ولسواليو د وياليو او سربند جوړولو پرانيسته وشوه او په نږدې ورځو کې به په نورو سيمو کې هم د نورو پروژو چارې پيل شي.

د ده په وينا، پر دې پروژو ١٢٦ ميليونه افغانۍ لګښت راځي او چارې به يې په شپـږو مياشتو کې بشپړې شي.

د کونړ والي وحيدالله کليمزي د پروژو د کار د پرانيستې پر مهال له عامو خلکو غوښتنه وکړه چې د دې پروژو د پلې کولو پر مهال همکاري وکړي.

د هغه په خبره، د دې پروژو په پلې کېدو سره به زرګونه جريبه کرنيزه ځمکه خړوبه او سلګونو کسانو ته د کار زمينه برابره شي.

د مرورې ولسوالۍ يوه اوسېدونکي خان باچا پژواک اژانس ته وويل، د اوبو د نشتوالي له امله يې ډېرى ځمکې شاړې وې او کروندې په کې نه کېدې.

هغه له حکومت څخه وغوښتل چې د سيند په څنډو کې ورته استنادي دېوالونه جوړ کړي.

د يوه بل خبر له مخې، د څه باندې پنځه ميليونه افغانيو په ارزښت په لغمان کې د درېیو بېلابېلو ټولګټو پروژو چارې پيل شوې.

د لغمان د والي وياند سرحدي ځواک پژواک ته وويل، په دغو پروژو کې يوه هم د پېښو پر وړاندې د چمتووالي رياست د ۳۶۴ مترو په اوږدوالي د احاطې دېوال، د اضطرار د موادو د ساتلو په موخه د زېرمتون جوړول او  د مرکز اړوند د جوګي کلا په سيمه کې د اليشنګ سيند پر غاړه د استنادي دېوال پروژه شامله ده.

هغه زياته کړې، د دې پروژو چارې به په دوو مياشتو کې بشپړې او په تطبيق سره به يې په سيمه کې ۱۵۰ کورنۍ او په سلګونه جريبه کرنيزه ځمکه د موسمي سېلابونو له خطرونو وژغورل شي.

 

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update