Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

د نابينايانو د کرکټ ولايتي سيالۍ د کونړ په اتلولۍ پای ته ورسېدې

د نابينايانو د کرکټ ولايتي سيالۍ د کونړ په اتلولۍ پای ته ورسېدې

By
On
Nov 19, 2017 - 16:08

جلال اباد (پژواک، ۲۸ لړم ۹۶): په ننګرهار کې د نابينايانو د کرکټ سيالۍ د کونړ د نابينايانو د لوبډلې په بريا سره پای ته ورسېدې.

دا پنځوس اوريزې لوبې چې د ننګرهار، کونړ او بلخ ولايتونو د نابينايانو لوبډلو تر منځ په جلال اباد ښار کې پيل شوې وې، د درې واړو لوبډلو تر منځ په کې له تېرو څلورو ورځو راهيسې د تمريناتي لوبو په ګډون اته سيالۍ ترسره شوې.

يادې سيالۍ د ننګرهار د نابينايانو ټولنې له خوا پلان شوې وې چې د سويډن کمېټې په تخنيکي او د افغان کُنکټ په نوم د يوې ادارې له خوا يې مالي ملاتړ شوی دی.

په ختيځ کې د سويډن کمېټې د معلولينو برخې مشر فريدالله مشفق پژواک خبري اژانس ته وويل چې دا سيالۍ د ننګرهار، لغمان او بلخ ولايتونو د درېيو لوبډلو تر منځ وې چې او په ټولو لوبډلو کې ۳۹ نابينا لوبغاړو برخه اخيستې وه.

هغه زياته کړه، له يادو سياليو هدف د ټولنې نورو خلکو ته دا ښودل دي چې نابينايان ناتوانه نه دي او د هر کار توان لري.

ننګرهار کې د نابينايانو ټولنې مشر فضل غني بشردوست وويل چې د نابينایانو د کرکټ سيالۍ او لوبې په ۲۰۱۲ کال کې د سويډن کمېټې په مالي ملاتړ پيل شوې او اوس دومره توانېدلي چې دوی خپلو سياليو ته نور ملاتړي هم پيدا کړي.

د نوموړي په يونا، تر اوسه ورسره د افغانستان کرکټ بورډ ادارې هېڅ همکاري نه ده کړې او د دوی د بيا بيا غوښتنو تر څنګ يې هم يوازې د دوی له لوبو ليدنه هم نه ده کړې.

نابينا لوبغاړي هم خوښ دي، چې ورته د لوبو کولو او خپلې وړتيا ښودلو چانس په لاس ورغلی دی.

د بلخ ولايت د نابينايانو د کرکټ لوبډلمشر احمد جاوېد رادمرد وايي، ډېر خوښ دی چې نابينا سترګې يې د پرمختګ مانع نه ګرځي او د خپلو هيلو د پوره کولو لپاره له مزاره تر جلال اباد ښاره راغلی دی.

د يادولو ده، د نابينايانو د کرکټ لوبډلې تر څنګ د معلولينو د کرکټ لوبډله هم موجوده ده چې هغوی هم تر ډېره د کرکټ بورډ له نه همکارۍ شکايت لري.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update