د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ملي امنيت: کابل کې ١٣ کلن ځانمرګى نيول شوى

ملي امنيت: کابل کې ١٣ کلن ځانمرګى نيول شوى

Dec 18, 2014 - 17:29

کابل (پژواک ٢٧ ليندۍ ٩٣): د ملي امنيت لوى رياست وايي، د يوه ١٣ کلن ځانمرګي په نيولو سره يې په کابل ښار کې د يو شمېر هېوادوالو د وژلو مخنيوى کړى دى.

د دې رياست له لوري پژواک خبري اژانس ته په رالېږل شوې خبرپاڼه کې راغلي، چې د ملي امنيت ځواکونو د بلال په نامه يو ١٣ کلن ماشوم د هاشم په نامه له يوه لېږدوونکي سره يوځاى د کابل ښار په پنځمه ناحيه کې نيولى دى.

سرچينه کاږي، ياد ماشوم د کابل ښار په يوې ګڼې ګوڼې سيمې کې د ځانمرګى بريد هوډ درلود، خو موخې ته له رسېدو وړاندې ونيول شو.

د سرچينې په وينا، نيول شويو کسانو د لومړنيو څېړنو په ترڅ کې په خپل جرم اعتراف کړى دى.

په خبرپاڼه کې د بلال له خولې ليکل شوي، چې ٤٥ ورځې يې له هېواده بهر د پوځي او ځانمرګو بريدونو په اړه زده کړې کړې دي.

ملي امنيت وايي، د نوموړو کسانو په نيول کېدو سره په کابل ښار کې د يو شمېر هېوادوالو د وژلو مخنيوی وشو.

 

نښه: 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement