د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسمشر غني: امريکا سره واقعي همکاريو ته ژمن يو

ولسمشر غني: امريکا سره واقعي همکاريو ته ژمن يو

Dec 17, 2014 - 16:59

کابل (پژواک ٢٦ ليندۍ ٩٣): ولسمشر محمد اشرف غني وايي، د ستونزو په هواري کې د نړۍ مرستو او ملاتړ ته اړتيا لري او له امريکا سره واقعي همکاريو ته ژمن دى.

نوموړي دغه څرګندونې، نن له ځينو امريکايي سناتورانو سره په ارګ کې د کتنې پرمهال کړې دي.

د ولسمشر د وياند له دفتر څخه پژواک خبري اژانس ته په رالېږل شوې خبرپاڼه کې راغلي، په دغه کتنه کې يادو امريکايي سناتورانو د افغانستان د ملي يووالي له حکومته خپل ملاتړ اعلان کړ.

هغوى ويلي، ژمن دي چې د افغانستان له نوي حکومت سره همکاري وکړي، ترڅو دغه حکومت وکولی شي خپلو اوږدمهالو موخو ته ورسېږي.

په خبرپاڼه کې زياته شوې، د افغانستان ولسمشر محمد اشرف غني هم د امريکا د خلکو او د هغه هېواد د حکومت له مرستو او ملاتړ څخه مننه وکړه.

د ده په وينا، چې دوى له امريکا سره واقعي همکاريو ته ژمن دي.

دى وايي: "موږ خپلې ستونزې پېژندلي او په ورته وخت کې د دې ستونزو لپاره د حل لارې هم لرو او په دې برخه کې د نړۍ مرستو او ملاتړ ته هم اړتيا لرو."

د خبرپاڼې د معلوماتو له مخې، په دغه کتنه کې دواړو لورو د افغانستان د ملي يووالي حکومت د ملاتړ، اقتصادي مسايلو، د افغانستان د خلکو لپاره د امريکا د مرستو، د افغانستان د سولې د بهير، د سيمه ييزو همکاريو، د افغانستان د اوبو د مديريت او د افغانستان او امريکا ترمنځ د اړيکو د لا پياوړتيا په اړه خبرې وکړې.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement