د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

کابل کې د ګاز ډبې چاودنې درې تنه ټپيان کړل

کابل کې د ګاز ډبې چاودنې درې تنه ټپيان کړل

Dec 15, 2014 - 14:11

لومړى تعقيب- کابل (پژواک ٢٤ ليندۍ ٩٣): د کابل ښار د درېيمې حوزې اړونده د ميرويس ميدان سيمه کې د ګاز ډبې د چاودېدو له امله درې تنه ټپيان شوي دي.

د کابل د امنيه قوماندانۍ وياند حشمت الله ستانکزي د يادې پېښې د منلو ترڅنګ وويل، چې د ګاز ډبې دغه چاودنه نن له غرمې وروسته شاوخوا دوه بجې د موبايلونو په يوه  پلورنځي کې رامنځته شوې ده.

ستانکزي، د دغې پېښې په پايله کې د رامنځته شويو زيانونو په اړه څه ونه ويل.

 ورته مهال په درېيمه امنيتي حوزې کې يوې سرچينې چې له نوم اخيستو يې ډډه کوله پژواک ته وويل، چې دغه چاودنه مرګ ژوبله لري، خو شمېر يې په ډاګه نه کړ.

 يوه عيني شاهد او د سيمې اوسېدونکي ادريس پژواک ته وويل، چې دغه چاودنه د ميرويس ميدان  په لومړي سړک کې د موبايلونو په يوه پلورنځي کې رامنځته شوې ده.

هغه زياته کړه: " څلور، پنځه ټپيان مې وليدل چې د پوليسو له لوري روغتون ته ولېږدول شول."

 همدارنګه د دغې پېښې يوه بل عيني شاهد حاجي مختار، چې د پېښې د سيمې په اړونده ساحه کې د ميوې دوکان لري پژواک ته وويل، چې چاودنه ډېره زوروره وه او کېداى شي چې چسپکي ماين وي.

هغه زياته کړه، چې په دغه چاودنه کې له لسو ډېر کسان ټپيان شوي، چې ټول ټپيان د سيمې د خلکو او پوليسو له لوري روغتونونو ته لېږدول شوي دي.

 همدرانګه يوه ترکاري پلورونکي فيض الله پژواک ته وويل، چې د يادې چاودنې ډېرى ټپيان کراچۍ چلوونکي او هغه کسان وو، چې د کار پيدا کولو په موخه هره ورځ په چوک کې کيني.

هغه زياته کړه، چې د يادې چاودنې په پايله کې د يو شمېر ودانيو ښيښې هم ماتې شوې دي.

 امنيتي ځواکونه سيمې ته رسېدلي او د يادې پېښې د څرنګوالي په اړه يې څېړنې پيل کړې دي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement