د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کندهار د اطلاعاتو او فرهنګ رييس په يوه غلچکي بريد کې ټپي شو

د کندهار د اطلاعاتو او فرهنګ رييس په يوه غلچکي بريد کې ټپي شو

Aug 31, 2015 - 10:09

کندهار ( پژواک، ٩ وږى ٩٤ ) : د کندهار ولايت د اطلاعاتو او فرهنګ رييس د ناپېژاندو وسله والو له خوا پر ډزو ټپي شو.

دغه پېښه نن د وږي په ٩مه، د سهار په شاوخوا  اته نيمو بجو د دويمې ناحيې په ساحه کې شوې ده.

د کندهار د والي وياند صميم خپلواک پژواک خبري اژانس ته وويل، د دې ولايت د اطلاعاتو او فرهنګ رييس پوهيالى حضرت ولي هوتک خپلې دندې ته پر لاره و، چې پر موټر سايکل سپرو ناپېژاندو وسله والو پرې ډزې وکړې او هغه يې ټپي کړ.

هغه زياته کړه، هوتک ميرويس روغتون ته رسول شوى او دا مهال تر درملنې لاندې دى.

دى وايي، بريد کوونکي تښتېدلي، خو پوليسو يې د نيول کېدو هڅې پيل کړې دي.

د کندهار د ميرويس روغتون يوه ډاکټر پژواک خبرى  اژانس ته وويل چې د اطلاعاتو او فرهنګ رييس پر اوږه لګېدلى او دا مهال يې درملنه روانه ده.

هغه د نوموړي روغتيايي حالت د ډاډ وړ وګاڼه.

د دې پېښې مسووليت تر اوسه چا پر غاړه نه دى اخيستى.

پوهيالى هوتک چې مخکې يې په کندهار پوهنتون کې د استادۍ دنده تر سره کوله، په دې وروستيو کې د کندهار د اطلاعاتو او فرهنګ د رييس په توګه ټاکل شوى و.

څو کلونه وړاندې د همدې ادارې رييس عبدالمجيد بابى په ورته غلچکي بريد کې وژل شوى و، چې وروسته د پېښې مسووليت وسله والو مخالفينو منلى و.

 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

اعلانونه

Advertisement