د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسمشر د اترا او افغان ټيلي کام د تدارکاتو او ګومارنې بهير د څېړلو امر وکړ

ولسمشر د اترا او افغان ټيلي کام د تدارکاتو او ګومارنې بهير د څېړلو امر وکړ

Apr 09, 2016 - 21:16

کابل (پژواک، ٢١ ورى ٩٥):  د ولسمشر د لارښوونو له مخې، د افغان ټيلي کام او اترا ادارو د تدارکاتو او استخدام بهير دې د يوه مسلکي پلاوي له خوا څېړل کېږي.

د ولسمشرۍ له مطبوعاتي دفتر څخه پژواک خبري اژانس ته په رالېږل شوې خبرپاڼه کې راغلي، چې د ولسمشر محمد اشرف غني په مشرۍ د افغان ټيلي کام شرکت او د افغانستان د مخابراتي خدماتو د تنظيم ادارې (اترا) د فعاليت د بهير د وضعيت د ارزونې په موخه، نن ( شنبه) په ارګ کې غونډه جوړه شوه.

سرچينه کاږي، ولسمشر د افغان ټيلي کام او اترا ادارو د فعاليتونو د اجرااتو بهير وارزاوه.

هغه ټينګار کړى، چې د افغان ټيلي کام او اترا ادارو د تدارکاتو او استخدام بهير دې په دقيقه او هر اړخيزه توګه وڅېړل شي او لارښوونه يې وکړه، چې په دې برخه کې دې مسلکي پلاوى وګومارل شي.

د ده په وينا، په ټولو پروسو کې بايد شفافيت په پام کې ونيول شي او همدارنګه دې د يادو ادارو د قراردادونو او استخدام ستونزه لرې شي.

د خبرپاڼې د معلوماتو له مخې، په دې کې غونډه کې د مخابراتو وزير، له اداري فساد سره د مبارزې رييس، د ماليې وزارت معين، د چارو ادارې د تدارکاتو رييس او د افغان ټيلي کام رييس هم حضور درلود.

بايد وويل شي، چې مخابراتو وزارت د تدارکاتي لړۍ په پام کې نيولو پرته د مخابراتي خدمتونو د محصول راټولولو سيستم د رامنځته کولو لپاره ګام پورته کړ، چې مخابراتي خدمتونو د محصول راټولولو او د سيستم د قرارداد په لړۍ کې د روڼتيا نه شتون، له ډېرو نيوکو سره مخامخ شو.

ولسمشر اشرف غني له دغو اندېښنو وروسته، د يوه حکم په صادرولو سره د محمداګل کوچي په مشرۍ له چارو ادارې يو پلاوى په دنده وګوماره، څو د پېرلو د داوطلبۍ تر اعلان پورې د دغه سيستم د نرخ معلومول، افر پرانيستنه، د ګټونکي شرکت مخينه او په دغه سيستم پورې ټولې اړوندې چارې په پوره، بې پلوه او عادلانه ډول سره وڅېړي.

خو تراوسه پورې د دې پلاوي د څېړنو پايله نه ده خپره شوي او ويل کېږي، چې په دې برخه کې ګومارل شوي پلاوي ته هېڅ اسناد نه دي وړاندې شوي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement