د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

محقق: نا امني د هېواد د مخابراتي خدمتونو د پراختيا خنډ ګرځېدلې

محقق: نا امني د هېواد د مخابراتي خدمتونو د پراختيا خنډ ګرځېدلې

May 17, 2016 - 19:03

کابل (پژواک ٢٨ غويى ٩٥): د حکومت اجرايي رياست دويم مرستيال په هېواد کې نا امني د مخابراتي خدمتونو د پراختيا او پرمختګ پر وړاندې خنډ وبلله او ويې ويل چې له ټولو ننګونو سره سره بيا هم مخابراتي سکتور په راتلونکو کلونو کې د افغانستان د لاسته راوړنو لپاره مهم بنسټ بلل کېږي.

محمد محقق چې نن په کابل کې د مخابراتو له نړيوالې ورځې څخه د نمانځغونډې په مراسمو کې خبرې کولې، وويل چې د اقتصاد، سياست او ټولنيزو ډګرونو کې د مخابراتو او معلوماتي ټکنالوجۍ سکتور ډېر اهميت لري او په دغه سکتور کې د نړيوالې ټولنې له مرستې ګټه پورته شي، څو ارزانه او ډاډمنې اړيکې رامنځته شي.

نوموړي د دې خبرې په څرګندولو سره چې په هېواد کې د شته جګړې او نا امنۍ ترڅنګ، د معلوماتي ټکنالوجۍ او مخابراتو سکتور کې ډېر پرمختګونه شوي، وويل: "د دغه سکتور پر وړاندې به شته امنيتي ګواښونه له ملي امنيت شورا سره مطرح کړم، څو د حل لپاره يوه مناسبه لاره ورته پيدا شي."

د حکومت د ياد لوړپوړي چارواکي د معلوماتو پر بنسټ، اوسمهال د مخابراتو په برخه کې شا وخوا دوه نيم ميليارد ډالره پانګونه شوې او هر کال له دې لارې د دولت خزانې ته ٢٠٠ ميليون ډالره ګټه رسيږي.

هغه زياته کړه، چې د نوري کېبل پروژه د مخابراتو وزارت له مهمو پروژو بلل کېږي او اړتيا ده چې په دې برخه کې د بهرنيو بنسټونو پانګونه هم راجلب شي.

محمد محقق هيله څرګنده کړه، چې د نوري کيبل خدمتونه په راتلونکي کې د ولايتونو له مرکزي برخو ولسواليو ته هم وغځول شي.

د مخابراتو او معلوماتي ټکنالوجۍ تخنيکي معين بريالي حسام، د مخابراتي شرکتونو پر وړاندې د امنيتي ګواښونو زياتوالى، د ټولو ترانسپورټي زېربناوو نشتوالى، د ټولې برېښنا نشتوالى او د مالي سرچينو کموالى؛ د مخابراتو پر وړاندې شته ننګونې وبللې چې د نوموړي په وينا، چې د دغه سکتور پر وده يې منفي اغېز ايستى دى.

خو نوموړي پر دې خبرې د ټينګار ترڅنګ چې د ټولو ستونزو سربېره د مخابراتو سکتور په وروستۍ يوې لسيزې کې د پام وړ لاسته راوړنې درلودې، وويل چې دغه وزارت د خپلو طرحو او پاليسو، کړنلارو، مقررو په ترسره کولو سره ډېره هڅه کوي چې هېوادوالو ته ډېر خدمتونه وړاندې کړي.

حسام زياته کړه، چې اوسمهال د هېواد ٨٩ سلنه برخې د مخابراتي خدمتونو تر پوښښ لاندې دي او د پخوا په پرتله د دغه وزارت عوايد هم زيات شوي دي.

نوموړي د خپلو خبرو په دوام کې وويل، چې د ١٣٩٣ لمريز کال په پرتله د تېر کال عوايد ٤٢ سلنه زيات شوي دي.

نښه: 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement