د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

امرخېل : د هوايي بريد په ترڅ کې ١١طالبان وژل شوي

امرخېل : د هوايي بريد په ترڅ کې ١١طالبان وژل شوي

Oct 22, 2016 - 11:44

غزني(پژواک،د لړم لومړۍ نېټه،۹۵): د غزني امنيه قوماندان وايي چې په ده يک ولسوالۍ کې د هوايي بريد په ترڅ کې ١١طالبان وژل شوي او څلور نور ټپيان دي خو طالبان بيا دغه څرګندونې ردوي.

د غزني امنيه قوماندان مل پاسوال امين الله امرخېل د لړم په لومړۍ نېټه د يوې خبري غونډې پرمهال وويل چې تېره شپه ناوخته وسله والو طالبانو غوښتل په ده يک ولسوالۍ کې پر امنيتي پوستو بريدونه وکړي.

خو قوماندان وايي چې د طالبانو له بريدونو وړاندې، افغان هوايي ځواکونو پر يادو طالبانو بريدونه وکړل چې په ترڅ کې يې ١١طالبان و وژل شول او څلور نور ټپيان دي.

د اړوندې موضوع په اړه د ده يک د ذاکر سيمې يوه اوسېدونکي جان محمد پژواک ته وويل: (( بېګاه مې څو ځلې د طيارو غږونه واروېدل وروسته بيا د يو درز اواز مې هم واروېده، خو نور يې په اړه معلومات نه لرم.))

خو وسله وال طالبان بيا يادې څرګندونې ردوي.

د دې ډلې وياند ذبيح الله مجاهد پژواک ته وويل چې تېره شپه په ده يک ولسوالۍ کې کوم طالب نه دى وژل شوى.

هغه وايي: (( ما اړيکه ونيوله طالبانو يو لوی درز اورېدلی، خو طالبان په کې نه دي وژل شوي که چېرې ملکي خلک وژل شوي وي ، نو زه تر اوسه معلومات نه لرم.))

د يو بل خبر له مخې، د غزني امنيه قوماندان وايي چې پوليسو په قره باغ ولسوالۍ کې ١٦٠ کيلوګرامه نشه يي توکي نيولي دي.

هغه وايي چې په دې توکو کې ١١٢ کيلوګرامه يې هيرويين او ٤٨ کيلوګرامه يې ترياک دي.

امرخېل وايي: (( دغه مواد موږ له دوه موټرو څخه هغه مهال ونيول چې قاچاقبران له پوليسو سره په نښته کې شول او دوه قاچاقبران په کې و وژل شول.))

د هغه په وينا، هېڅ قاچاق وړونکي به ونه شي کولى چې د غزني له لارې نورو ولايتونو ته نشه يي توکي قاچاق کړي.

نښه: 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement