د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بادغيس کې د سورليو يو موټر يوې ژورې کندې ته غورځېدلى

پېښې

ارشيف

بادغيس کې د سورليو يو موټر يوې ژورې کندې ته غورځېدلى

Oct 29, 2016 - 11:17

قلعه نو (پژواک، ٨ لړم ٩٥):د بادغيس په سبزک کوتل کې يو لنډکروز موټر چې د سورليو شمېر يې نه دى معلوم  ژورو کندو ته غورځېدلى او  تر اوسه په دې پېښه کې د مړو شويو دوو تنو مړي موندل شوي دي.

د دې ولايت د مرکز اړوند له ياد کوتل څخه د قلعه نو- هرات لويه لاره تېرېږي او د کوتل يوې خوا ته ځنګل لرونکې دره پرته ده چې څوک په کې ژوند نه کوي او کېداى شي کوتل له درې څخه شاوخوا دوه زره متره لوړوالى ولري.

په ياد کوتل کې د لويو لارو پوليسو قوماندان محمدقاسم پژواک خبري اژانس ته وويل چې ياد شوى لنډکروزر موټر تېره ورځ مازيګر مهال چپه شوى او درې ته غورځېدلى دى.

هغه وايي چې دغه مسافر وړونکى موټر له بادغيس څخه هرات ته روان و او تر اوسه نه ده څرګنده چې په موټر کې څو کسان سپاره وو.

خو د ده په وينا، پر دې لاره  مسافروړونکي لنډکروز موټر معمولا ١٢ تنه لېږدوي.

محمدقاسم وايي، پوليسو تر اوسه په دې پېښه کې د مړو شويو دوو تنو مړي چې د بادغيس د بالامرغاب ولسوالۍ اوسېدونکي دي، موندلي دي.

د ده د څرګندونو له مخې، که څه هم په ياده دره کې د دولت د وسله والو مخالفينو ګواښ او د څېروونکو حيواناتو وېره هم شته، خو  دوى هڅه کوي چې که په پېښه کې نور کسان مړه شوي ، هغوى  به هم پيدا کړي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement