د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د میانشین په جګړه کې پولیسو او وسله والو ته مرګ ژوبله اوښتې

د میانشین په جګړه کې پولیسو او وسله والو ته مرګ ژوبله اوښتې

Apr 25, 2017 - 16:57

کندهار (پژواک، ۵ غويی ۹۶): د کندهار ولایت په میانشین کې وسله والو د سیمه ييزو پولیسو پر امنیتي پوستو بریدونه کړي چې پر مهال یې دواړو لورو ته مرګ ژوبله اوښتې ده.

د کندهار د والي ویاند صمیم خپلواک د غويي په ٥مه پژواک خبري اژانس ته وویل، وسله والو د دې ولسوالۍ د زمتو په سیمه کې پر اوومه شمېره امنیتي پوسته برید کړی او وروسته د دواړو لورو تر منځ جګړه شوې چې پر مهال یې یو پولیس وژل شوی او ۳ نور ټپیان شوي دي.

دی زیاتوي، په جګړه کې وسله والو ته هم مرګ ژوبله اوښتې خو کره شمېره یې معلومه نه ده.

خو د ولسوالۍ یوه امنیتي سرچینه بیا وايي چې په دې جګړه کې دوه پولیس وژل شوي او څلور نور ټپیان شوي دي، دغه رازدرې وسله وال هم وژل شوي او اووه نور ټپیان شوي دي.

وسله والو طالبانو په دې اړه څه نه دي ويلي.

په میانشین ولسوالۍ کې له تېرو دوو اوونیو راهیسې د امنیتي ځواکونو تر منځ جګړه روانه ده او امنیتي چارواکي وايي چې دغلته یې عملیات روان دي او وسله وال یې د ولسوالۍ له مرکز او نورو سیمو پر شا کړي دي.

له جګړې سره هم مهاله په دې ولسوالۍ کې مخابراتي خدمات هم درېدلي او له چا سره اړیکه نه شي نیول کېدای.

په کندهار کې د ۲۰۵ اتل قول اردو ویاند تورن احمد صادق پژواک خبري اژانس ته وویل، اوس مهال وسله وال د سرناوې، لخ سنګ او زمتو له سیمو پر شا شوي خو لا هم دغلته جګړه روانه ده او امنیتي ځواکونه په ګډه توګه په عملیاتو بوخت دي.

نوموړي د مرګ ژوبلې په اړه معلومات ور نه کړل.

وسله والو شاوخوا یوه میاشت وړاندې د میانشین په ګاونډ نېښ ولسوالۍ کې په ورته توګه پر امنیتي پوستو بریدونه وکړل او د ولسوالۍ تر مرکزه ورسېدل.

په دغو جګړو کې دواړو لورو ته درانه تلفات واوښتل خو وروسته هلته عملیات وشول او وسله وال ورڅخه و ایستل شول.

میانشین د کندهار له شمالي ولسوالیو ده چې له کندهار ښاره شاوخوا ۷۰ کیلومتره لیرې ده.

 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement