د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په سپین بولدک کې د سرحدي پولیسو او پاکستانيو ځواکونو تر منځ جګړه روانه ده

په سپین بولدک کې د سرحدي پولیسو او پاکستانيو ځواکونو تر منځ جګړه روانه ده

May 05, 2017 - 08:25

کندهار (پژواک، ۱۵ غويی ۹۶): د کندهار په سپین بولدک کې د افغان سرحدي ځواکونو او پاکستانيو ځواکونو تر منځ جګړه روانه ده.

د کندهار د امنیې قوماندانۍ سکرټر غورځنګ اپريدي د غويي په ١٥مه، پژواک خبري اژانس ته وویل، جګړه د دغې ولسوالۍ په لقمان کلي کې روانه ده چې د ډيورنډ فرضي کرښې په صفري برخه کې پروت دی.

هغه زیاته کړه، جګړه نن سهار څلور بجې پاکستانيو ځواکونو پيل کړې او د سرحدي ځواکونو پر امنیتي پوستو یې د سپکو او درنو وسلو انداختونه وکړل.

د ده په خبره، د دواړو لورو تر منځ جګړه اوس هم دوام لري او سیمې ته اضافي ځواکونه هم لېږل شوي دي.

ده وویل، تر دې مهاله په جګړه کې سرحدي پولیسو د پاکستاني ځواکونو دوه زغره وال موټر نیولي او سوځولي دي.

غورځنګ وايي، په جګړه کې یوازې یو سرحدي پولیس ټپی شوی، خو د پاکستاني لوري د مرګ ژوبلې په اړه معلومات نشته.

نوموړی زیاتوي، لقمان کلی د سپین بولدک اړوند دی، خو پاکستانى لوری یې خپله سیمه ګڼي.

دی وايي، درې ورځې وړاندې د پاکستان د سرشمېرنې ادارې مامورین د ملېشه ځواکونو په ملتیا دغه کلي ته د سرشمېرنې لپاره راغلي وو، چې سرحدي ځواکونو یې مخنیوی کړی و.

د ده په خبره، پاکستاني لوري د افغان سرحدي ځواکونو د دغې کړنې په غبرګون کې جګړه پیل کړې ده.

له جګړې سره هم مهاله د سپين بولدک- چمن لار هم د هر راز تګ راتګ په موخه تړل شوې ده.

 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement