د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

کندهار کې د ملي اردو سرتېرو او طالبانو ته درنه مرګ ژوبله اوښتې

کندهار کې د ملي اردو سرتېرو او طالبانو ته درنه مرګ ژوبله اوښتې

May 25, 2017 - 12:10

کندهار (پژواک، ۴ غبرګولی ۹۶): د کندهار ولایت په میوند ولسوالۍ کې د ملي اردو د سرتېرو او وسله والو مخالفینو تر منځ جګړه شوې چې له امله یې دواړو لورو ته درنه مرګ ژوبله اوښتې ده.

جګړه تېره شپه ۱۲ بجې هغه مهال پیل شوه چې وسله والو مخالفینو د ملي اردو پر پوستو بریدونه وکړل.

د کندهار د والي ویاند صميم خپلواک د غبرګولي په ٤مه پژواک خبري اژانس ته وویل، لسګونو وسله والو تېره شپه د میوند ولسوالۍ په جګړم سیمه کې د ملي اردو پر امنیتي پوستو بریدونه وکړل چې د ملي اردو د سرتېرو له سخت مقاومت سره مخ شول.

هغه زیاته کړه، جګړې څو ساعته دوام وکړ چې په پایله کې یې وسله والو مخالفینو ته درنه مرګ ژوبله اوښتې ده، خو دا چې هغو خپل مړي لېږدولي، کره شمېره یې معلومه نه ده.

ده وویل چې په دې جګړه کې د ملي اردو ۳ سرتېري وژل شوي او ۸ نور ټپیان شوي دي.

خو د میوند ولسوالۍ یوې باوري امنیتي سرچینې پژواک خبري اژانس ته وویل چې لسګونو وسله والو د دې ولسوالۍ په ښامیر کلا، سره بغل او بند تېمور سیمو کې د ملي اردو پر پوستو بریدونه کړي دي.

دغه سرچینه زیاتوي، وسله والو د جګړې پر مهال له لایزر لرونکو وسلو کار اخیستی چې ۱۳ د ملي اردو سرتېري یې وژلي او ۸ تنه یې ټپيان کړي دي.

دغه راز په دې جګړه کې ۸ وسله وال هم وژل شوي او ۲۳ ټپيان شوي دي.

په دې اړه مو په کندهار کې د ملي اردو د ۲۰۵ اتل قول اردو له قوماندانۍ څخه د معلوماتو ترلاسه کولو هڅه وکړه خو بریالي نه شوو.

وسله والو طالبانو هم په دې اړه څه نه دي ویلي.

په کندهار کې په دې وروستیو کې امنیتي وضعیت خراب شوی او د شپې له پلوه په ولسوالیو کې د امنیتي ځواکونو پر پوستو بریدونه ډېر شوي چې له امله یې د امنیتي ځواکونو د تلفاتو کچه لوړه شوې ده.

دوې ورځې وړاندې د شاولیکوټ د اڅکزو سوزني په سیمه کې هم وسله والو د ملي اردو پر قرارګاه برید کړی و چې پر مهال یې ۱۰ د ملي اردو سرتېري وژل شوي وو او ۹ نور ټپیان شوي وو.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement