د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پکتیکا کې له طالبانو ایرانۍ وسلې نیول شوې دي

پکتیکا کې له طالبانو ایرانۍ وسلې نیول شوې دي

May 29, 2017 - 15:05

ښرنه (پژواک، ٨ غبرګولى ٩٦): د پکتيکا په سروبي ولسوالۍ کې امنيتي ځواکونو له طالبانو څخه د ايران جوړې وسلې نيولې دي.

د سروبي ولسوالۍ امنيه قوماندان محمد ايوب تندر د غبرګولي په اتمه پژواک خبري اژانس ته وويل چې څو ورځې وړاندې په سروبي ولسوالۍ کې د امنيتي ځواکونو او طالبانو تر منځ جګړه وشوه.

هغه وايي چې په دې جګړه کې امنيتي ځواکونو يو شمېر وسلې او څلور طالبان ژوندي نيولي دي.

د هغه په وينا، په دې وسلو کې ډېرې يې د ايران جوړې دي چې له طالبانو څخه نيول شوې دي.

د تندر معلوماتو له مخې، په دې وسلو کې راکټ، کلاشينکوف او يو شمېر نور چاودېدونکي توکي شامل دي.

تندر وايي: ((زه هر ډول وسله پيژنم، خو داسې وسلې د اول ځل لپاره ګورم، په دې وسلو له ورايه د ايران ټاپي ښکاري.))

د سروبي ولسوالۍ امنيتي چارواکو دغه وسلې خبريالانو ته هم وښودې.

دغه راز د سروبي ولسوالۍ د سيمه ييزو پوليسو قوماندان درياخان خروټي هم پژواک ته وويل چې په دې ولسوالۍ له طالبانو څخه ايران جوړې وسلې نيول شوې دي.

هغه دا هم وويل چې طالبانو په دې او برمل ولسواليو کې مرکزونه جوړ کړي خو دوى يې پر وړاندې کلک مقاومت کوي.

دغه راز د پکتيکا د شکين ولسوالۍ اوسېدونکي امان خروټي پژواک ته وويل چې په شکين، برمل او ګومل ولسواليو کې له طالبانو سره بهرني کسان هم ليدل شوي دي.

هغه زياته کړه: ((کله چې بهرني کسان له طالبانو سره ګرځي نو حتمن به بهرنۍ وسله هم ورسره وي.))

دا لومړى ځل نه دى چې په پکتيکا کې د ايران جوړې وسلې ترلاسه کېږي تر دې وړاندې هم د هېواد په بېلابېلو برخو کې د افغان دولت له وسله والو مخالفينو څخه د ايران ساخت وسلې ترلاسه شوې دي.

د يادونې ده، په دې وروستيو کې د حکومتي چارواکو او سياسي شنونکو له لوري ايران له وسله والو طالبانو سره پر همکارۍ هم تورن شوى دى.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement