د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

دفاع وزارت: د کندهار په بريد کې ٢٦ سرتېري وژل شوي

دفاع وزارت: د کندهار په بريد کې ٢٦ سرتېري وژل شوي

Jul 26, 2017 - 11:23

کندهار ښار (پژواک، ٤ زمرى ٩٦): د ملي دفاع وزارت وايي چې په کندهار ولايت کې د ملي اردو پر يوه قرارګاه ډله ييز بريد کې ٢٦ سرتېري وژل شوي او ١٣ نور ټپيان دي.

د ملي دفاع وزارت له خوا د زمري په ٤مه پژواک خبري اژانس ته په رالېږل شوې خبرپاڼه کې راغلي چې دغه بريد تېره شپه د خاکرېز ولسوالۍ د کرزيالي په سيمه کې د ملي اردو پر يوه قرارګاه شوى دی.

د ملي دفاع وزارت ویاند تورن جنرال دولت وزيري ويلي چې په دغه بريد کې ٢٦ سرتېري وژل شوي او ١٣ نور ټپيان دي.

هغه زياته کړې چې د دغه بريد له امله په رامنځته شوې نښته کې ٨٠ وسله والو طالبانو ته هم مرګ ژوبله اوښتې ده.

تر دې مخکې په کندهار کې د ٢٠٥ اتل قول اردو وياند تورن احمد صادق د زمري په ٤مه پژواک خبري اژانس ته وويل چې دغه بريد تېره شپه د خاکرېز ولسوالۍ د کرزنۍ په سيمه کې د ملي اردو پر يوه قرارګاه شوى دی.

هغه زياته کړې وه چې په بريد کې د ملي اردو يو شمېر سرتېرو ته مرګ ژوبله اوښتې ده، خو نوموړي په دې اړه کره معلومات ورنه کړل.

طالب وياند قاري يوسف احمدي بيا ادعا کوي چې ياده قرارګاه يې نيولې او تر ٧٠ پورې سرتېرو ته يې مرګ ژوبله اړولې ده.

هغه زياته کړې چې په بريد کې يې څلور ټانکونه، درې رينجر موټر هم له منځه وړي او تر ٦٠ زياتې وسلې او په زياته کچه مهمات يې ترلاسه کړي دي.

د يادونې ده، څو مياشتې مخکې هم د کندهار ولايت په بېلا بېلو ولسواليو کې د وسله والو بريدونو کې ګڼ شمېر سرتېرو ته مرګ ژوبله اوښتې وه.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement