د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ټرمپ د افغانستان په اړه د امریکا نوې ستراتیژي ارزوي

ټرمپ د افغانستان په اړه د امریکا نوې ستراتیژي ارزوي

Aug 18, 2017 - 11:58

کابل (پژواک، ۲۷ زمری ۹۶): د امریکا ولسمشر او د هغه د ملي امنیت ټېم نن د افغانستان په اړه خپله نوې ستراتيژي تر بحث او ارزونې لاندې نیسي.

سپینې ماڼۍ اعلان کړی، ټاکل شوې ډونالډ ټرمپ او د هغه مرستیال مایک پنس، د دغه هېواد د ملي امنیت له سلاکارانو سره د ډیویډ کمپ په سیمه کې وګوري او خبرې اترې وکړي.

رویټرز خبري اژانس ويلي چې په دې کتنه کې د امریکا ولسمشر د افغانستان په ګډون د سوېلي اسیا په اړه د امریکا نوي ستراتیژي د دغه هېواد د ملي امنیت له ټېم سره تر بحث او اروزنې لاندې نیسي.

د امریکا د دفاع وزیر جیمز مټیس څلور ورځې مخکې په واشنګټن کې خبریالانو ته ویلي وو چې په افغانستان کې د ډونالډ ټرمپ د ستراتیژۍ بیا کتنه به ډېر ژر بشپړه شي.

د هغه په خبره چې په ستراتیژۍ کې ټول انتخابونه د هغو له ډلې د ټولو سرتېرو ایستل او په افغانستان کې د جګړې لپاره له خصوصي امنیتي شرکتونو استفاده مطرح دي.

د امریکا د بهرنیو چارو وزیر ریکس ټیلرسن ویلي، د امریکا ولسمشر نور لېوالتیا نه لري چې د ۱۶ کلونو مخکې ستراتیژي په افغانستان کې دوام پیدا کړي.

له دې مخکې امریکايي سرچینو افغانستان ته د ډېرو امریکايي سرتېرو د لېږلو له احتماله خبر ورکړی و خو د راپورونو له مخې چې د امریکا د ولسمشر امنيتي ډله په دې برخه کې په یو نظر نه دي.

دمګړۍ په افغانستان کې اته زره امریکايي سرتېري مېشت دي چې ډېری یې د افغان ځواکونو پر روزنه او په جګړه کې د هغوی پر ملاتړ بوخت دي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement