د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

برمک: د هلمند امنیتي حالاتو کې به ډېر ژر مثبت بدلون راشي

برمک: د هلمند امنیتي حالاتو کې به ډېر ژر مثبت بدلون راشي

Sep 11, 2017 - 16:58

لښکرګاه (پژواک، ٢٠ وږى ٩٦): د کورنيو چارو وزير وايي چې په هلمند کې به د پوليسو ستونزې هوارې کړي او ډېر ژر به د دغه ولايت په امنيتي حالاتو کې هم مثبت بدلون راشي.

دغه څرګندونې د کورنيو چارو وزير محمد ويس برمک د وږي په ٢٠ په مرکز لښکرګاه کې د يوې خبري غونډې پر مهال وکړې.

برمک وويل: ((هلمند ته مې د سفر موخه د حالاتو ارزول او د اړتیاوو په نښه کول دي، ډېر ژر به ورته ځواب ووايم.))

هغه زياته کړه چې د امنيت د ټينګښت په موخه به ډېر ژر په هلمند کې يو لړ عمليات ترسره شي، خو هغه په دې اړه نور جزئيات ور نه کړل.

برمک وويل، هڅه کوي چې په هلمند کې د پوليسو ستونزې هوارې کړي څو له مخې یې د دغه ولايت په امنيتي حالاتو کې مثبت بدلون راشي.

ده زياته کړه چې د پوليسو په ليکو کې به د هر ډول فساد پر وړاندې جدي مبارزه وکړي.

ده وويل: ((موږ د پوليسو ليکې له فساد څخه پاکوو او پوليس به خپله دنده د قانون په چوکاټ کې پر مخ بيايي.))

برمک له خبريالانو سره ډېرې خبرې ونه کړې خو په ٥٠٥ بست زون قوماندانۍ کې يې له افغان او امريکايي چارواکو سره ځانګړې نظامي غونډه وکړه.

د هلمند د امنيتي چارواکو په وينا، په ياده غونډه کې په مهمو نظامي مسايلو خبرې شوې دي.

ويس برمک څه موده وړاندې د کورنيو چارو د وزير په توګه وټاکل شو چې نن سهار يې د يو پلاوي په ملتيا هلمند ولايت ته سفر وکړ او مازديګر مهال بېرته کابل ته ستانه شول.

د يادونې ده، د هلمند  باغران، دېشو، موسى کلا، نوزاد، خانشين او سنګين ولسواليو کنټرول له وسله والو طالبانو سره دى او د مرکز لښکرګاه د ځينو سيمو تر څنګ د نادعلي، واشېر، مارجې، ناوې، ګرمسېر او ګرشک ولسواليو يواځې مرکزونه له حکومت سره دي او پاتې نورې سيمې د طالبانو په لاس کې دي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement