د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"په بلخ کې د ښځو د مشارکت يواځې تر مرکز پورې لنډه ده"

"په بلخ کې د ښځو د مشارکت يواځې تر مرکز پورې لنډه ده"

Oct 03, 2017 - 22:24

مزارشريف (پژواک ۱۱ تله، ۹۶): د بلخ مدني فعالانې وايي، په دغه ولايت کې د ښځو د مشارکت مسئله يواځې تر مرکز مزارشريف ښاره پورې لنډه ده.

د تلې په ۱۱مه، په مزارشريف ښاروالۍ کې د دغه ولايت له نورو دولتي اداراو سره د جنډر مراعت کولو په پار قرارداد لاسليک شو.

د ښاروالۍ د جنډر برخې مسوولې مېرمن شازيې حقجو احمدي پژواک ته وويل، دولتي او ان غير دولتي ادارې بايد د ښځو مشارکت ته ارزښت ورکړي.

نوموړې زياته کړه، د ټولنې د سنتي اړخ له امله لا هم په کورنيز او ټولنيز لحاظ مرد سالاري حاکمه ده.

د هغې په وينا، له همدې امله په ټولنيزو او سياسي اړخونو کې د ښځو مشارکت لا هم د اړتيا وړ نه دی.

مېرمن حقجو وويل، په همدې موخه يې د سيمه ايزو ارګانونو په سپارښتنه نن د بلخ له دولتي ادارو سره هغه قرارداد لاسليک کړ، چې له مخې بايد ټول مسوولين په خپلو نهادونو کې د ښځو د مساوي مشارکت خيال وساتي.

بلخوا مدني فعالانې په دې اند دي، چې په ډېری مسايلو کې د ښځو خپله خود سانسوري د دوی د مشارکت پر وړاندې خنډ ده.

مدني فعاله مېرمن حميرا ثاقب وايي، د ښځو پر وړاندې تاوتريخوالی، په سياسي، ټولنيزو او اقتصادي اړخونو د دوی کمرنګۍ تر ډېره د دوی د خپلې خود سانسورۍ له امله ده.

نوموړې ټينګار وکړ چې ښځې بايد له هغو کرښو واوړي، چې له امله يې په خپله د خپلو حقوقو ته لاره پيدا کړي.

د ښځو په برخه کې سياسي او ټولنيزو چارو فعالانې وايي، په بلخ ولايت کې د ښځو مشارکت يواځې تر مزارشريف ښار پورې رالنډ دی.

له بلخه د ځوانانو پارلمان غړې بانو ترين وايي، په بلخ ولايت کې د نورو سيمو په کچه ممکن د ښځو مشارکت ښه وي؛ خو دلته هم د ولايت تر مرکزه پورې لنډ دی.

نوموړې زياتوي: ((لا هم د ولسواليو په کچه يوه ښوونکې هغه هم د ښځينه زده کوونکو لپاره نه پيدا کېږي.))

د ښاروالۍ د جنډې برخې مسوولين وايي، دوی هڅه کوي، چې په دولتي ادارو کې د جنډر کمېټو او مديريتونو جوړېدو له لارې په ټول ولايت کې د ښځو مشارکت ته لاره جوړه کړي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement